​​
​ស្រ្តីម្នាក់ស្លាប់សង្ស័យករណីឃាតកម្ម​ នៅក្រោយផ្សារពូពុយ
ដោយ លោក អុិត សាផល - Mon,30 December 2019 (Time 04:31 PM)


ខេត្តបាត់ដំបង ៖( ព័ត៌មានបឋម)មានការផ្ញាក់ផ្អេីលប្រទះឃើញ​សពមនុស្សស្រីគេយកទៅប្លុងចោល​ កណ្ដាលវាល​ស្រែ សង្ស័យជាករណីឃាតកម្ម​ ខណសមត្ថកិច្ចកំពុង​កោសល្យវិច្ឆ័យ ដេីម្បីពិនិត្យនិងសន្និដ្ឋាន ។

មានករណីមនុស្សស្លាប់ មួយកើតឡើងវេលាម៉ោងប្រហែល១០:២៥នាទីព្រឹក ថ្ងៃចន្ទ​ ទី៣០​ ខែធ្នូ ឆ្នាំ២០១៩នេះ នៅចំណុចវាលស្រែ ជិតផ្លូវបេតុង ក្រោយផ្សារពូពុយ ស្ថិតក្នុងភូមិចំការសំរោង២ សង្កាត់ចំការសំរោង ក្រុងបាត់ដំបង ខេត្តបាត់ដំបង ។
សមត្ថកិច្ចជំនាញ​បានអោយដឹងជាបឋមថា​ សពជាមនុស្សស្រីមិនស្គាល់អត្តសញ្ញាណ មានអាយុប្រហែលចាប់ពី ២៥ឆ្នាំ រហូតដល់ ៣៥ឆ្នាំ មានភិនភាគ​ សក់វែងពណ៌ខ្មៅ , ពាក់ខ្សែចង្កេះ, ពាក់ជញ្ជៀនដាំត្បូង ម្រាមដៃនាងខាងស្ដាំ, កុដម្រាមដៃមេខាងឆ្វេង។

បច្ចុប្បន្នកម្លាំងនគរបាលកុសលវិច្ឆ័យកំពុងតែធ្វើការពិនិត្យនិងសន្និដ្ឋាន ។