​​
​សម្តេច​តេ​ជោ ហ៊ុន សែន ​អញ្ជើញ​ជួប​សំណេះសំណាល​ជាមួយ (មេធាវី​ស្ម័គ្រចិត្ត​សម្តេច​តេ​ជោ​សែន​)
ដោយ លោក តែម កយ - Tue,24 November 2020 (Time 07:41 PM)

(​ភ្នំពេញ​)៖ ព្រឹក​នេះ​សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា អញ្ជើញ​ជួប​សំណេះសំណាល និង​ពិនិត្យ​លទ្ធផល​ការងារ​របស់ «​មេធាវី​ស្ម័គ្រចិត្ត​សម្តេច​តេ​ជោ​សែន​»​។ កម្មវិធី​នេះ​នឹង​ប្រារព្ធ​ធ្វើឡើង​នៅ​វិមាន​សន្តិភាព​។​

​សម្តេច​តេ​ជោ​បានប្រកាស​បង្កើត «​មេធាវី​ស្ម័គ្រចិត្ត​សម្តេច​តេ​ជោ​សែន​» នៅ​ខែកុម្ភៈ ឆ្នាំ​២០១៩ ក្នុង​គោលដៅ​ជួយ​ការពារ​ក្តី​ជូន​ស្ត្រី​មាន​ជីវភាព​ខ្វះខាត និង​មិនមាន​លទ្ធភាព​ទទួលបាន​ការការពារ​សិទ្ធិ​តាមផ្លូវ​ច្បាប់​។​

​ចាប់តាំងពី​បង្កើត «​មេធាវី​ស្ម័គ្រចិត្ត​សម្តេច​តេ​ជោ​សែន​» នេះ​មក​បានធ្វើ​សកម្មភាព​ជួយ​ការពារ​ក្តី​ជូន​ស្ត្រី​មាន​ជីវភាព​ខ្វះខាត និង​មិនមាន​លទ្ធភាព​ទទួលបាន​ការការពារ​សិទ្ធិ​តាមផ្លូវ​ច្បាប់​ជាច្រើន​ករណី​ផងដែរ​។ «​មេធាវី​ស្ម័គ្រចិត្ត​សម្តេច​តេ​ជោ​សែន​» បានប្រកាស​បង្ហាញ​លេខ​ទូរស័ព្ទ​ជា​សាធារណៈ​ដើម្បី​សម្រួល​ដល់​ការទាក់ទង​របស់​ស្ត្រី​មាន​បញ្ហា​ផងដែរ​។​ «​មេធាវី​ស្ម័គ្រចិត្ត​សម្តេច​តេ​ជោ​សែន​» មាន​លោក គី តិច ជា​ប្រធាន និង​មាន​សមាជិក​សរុប ១៣៨​រូប នៅ​គ្រប់​រាជធានី​-​ខេត្ត​។​

​លោក គី តិច បានឱ្យដឹងថា គិត​ត្រឹម​ខែកញ្ញា ឆ្នាំ​២០២០ «​មេធាវី​ស្ម័គ្រចិត្ត​សម្តេច​តេ​ជោ​សែន​» បានផ្តល់​ការពិគ្រោះ និង​ជូន​យោបល់​ដល់​ប្រជាពលរដ្ឋ​ទូទៅ គ្រប់​ករណី​ក្នុង​ក្របខណ្ឌ​ទូទាំងប្រទេស​ប្រមាណ ២,៥៥០​ករណី​។ ក្នុងនោះ​សំណុំរឿង​ដែល​បានទទួល​យកមក​ការពារ​ជូន​ស្ត្រី​ទន់ខ្សោយ​ងាយ​រងគ្រោះ មាន​ជីវភាព​ខ្វះខាត និង​ខ្វះ​ការការពារ​សិទ្ធិ​តាមផ្លូវ​ច្បាប់​ចំនួន ៧៤​ករណី​។​ ​ក្រៅពី​ជួយ​ដោះស្រាយ និង​ការពារ​ក្តី «​មេធាវី​ស្ម័គ្រចិត្ត​សម្តេច​តេ​ជោ​សែន​» ក៏បាន​ធ្វើ​កិច្ចការ​សង្គម និង​មនុស្សធម៌​ផងដែរ​។ ដូចជា​បាន​សហការ​ជាមួយ​រដ្ឋបាល​ខេត្តសៀមរាប អាជ្ញាធរ​អប្សរា សាលាដំបូង និង​អយ្យការ​សាលាដំបូង​ខេត្តសៀមរាប និង​ខេត្តបន្ទាយមានជ័យ ដាំ​កូនឈើ​ក្នុង​បរិវេណ​ប្រាសាទ​អង្គរតូច​ផ្នែក​ខាងត្បូង​។​ «​មេធាវី​ស្ម័គ្រចិត្ត​សម្តេច​តេ​ជោ​សែន​» ក៏បាន​ជួយផ្តល់​សម្ភារ​បរិក្ខារ គ្រឿងឧបភោគ​បរិភោគ និង​ថវិកា ដល់​ប្រជាពលរដ្ឋ​ដែល​ទទួលរង​គ្រោះ​ដោយ​អគ្គិភ័យ ដោយ​ខ្យល់​កន្ត្រាក់ រងគ្រោះ​ដោយ​ទឹកជំនន់​ទឹកភ្លៀង និង​ស្ត្រី​មេម៉ាយ ចាស់ជរា ដែលមាន​ជីវភាព​ខ្វះខាត និង​បាន​ប្រមូល​ថវិកា​ពី​សមាជិក ជូន​រាជរដ្ឋាភិបាល​ក្នុង​យុទ្ធនាការ​ទប់ស្កាត់ និង​ប្រយុទ្ធប្រឆាំង​មេរោគ​កូ​វីដ​១៩​ផងដែរ​៕

ចំនួនអ្នកទស្សនា
ថ្ងៃនេះ​ 19310 នាក់
ម្សិលមិញ ​ 21747 នាក់
សប្តាហ៍នេះ​ 140114 នាក់
សរុបទាំងអស់​ 20025574 នាក់

#ជម្លោះដីធ្លីដ៏រ៉ាំរ៉ៃរវាងឈ្មួញដីឈ្មោះ លី អ៊ុំអេង ជាមួយនឹងសហគមន៍ដីធ្លី ប្រជាពលរដ្ឋរាប់សិបគ្រួសារ ស្ថិតនៅឃុំរំចេក និងឃុំខ្នារសណ្តាយ ស្រុកបន្ទាយស្រី#

ល្បី! លោក គឹម វុទ្ធី ហៅ ធី កាប៉ូ ទោះជាមានដីកាឆែកឆេរក្នុងផ្ទះ រកឃើញឈើប្រណិតជាច្រើនដុំ ក៏មេឈ្មួញខាងបផ្លាញឈើរូបនេះ នៅតែបន្តដឹកបានយ៉ាងរលូន

ឯកឧត្តម ហ៊ុន ម៉ានី អញ្ជើញជាអធិបតីកាត់ខ្សែបូរសម្ពោធអគារទីស្នាក់ការថ្មីរបស់ ស.ស.យ.ក. ខេត្តបាត់ដំបង

ពន្ធដារ​ចាប់ផ្ដើម​រឹត​បន្តឹង​លើ​គ្រប់​រថយន្ត​ពាក់​ស្លាក​លេខ (ខ​.​ម)ដើមឆ្នាំ២០២១នេះតទៅ

អាវុធហត្ថរាជធានីភ្នំពេញ បញ្ជូនសង្ស័យ០៩នាក់ ទៅតុលាការ ពាក់ព័ន្ធករណីគ្រឿងញៀន ក្រោយពីបង្ក្រាបបានជាបន្តបន្ទាប់ ចំនួន៥ករណីផ្សេងគ្នា