​​
​ប្រធានការិយាល័យចរាចរណ៍ប្តេជ្ញាដឹកនាំបំពេញភារកិច្ច ស្របតាមជំនាញនិងច្បាប់សំដៅកាត់បន្ថយគ្រោះថ្នាក់ចរាចរណ៍ស្របតាមការអំពាវនាវរបស់ថ្នាក់ដឹកនាំ
ដោយ លោក តែម កយ - Tue,28 April 2020 (Time 07:10 AM)

ខេត្តបាត់ដំបង៖ ប្រធានការិយាល័យនគរបាលចរាចរណ៍ផ្លូវគោកថ្មី លោកវរសេនីយ៍ទោ ចាន់ សុធី បានអោយអ្នកយកព័ត៌មានយើងដឹងនៅថ្ងៃទី២៧ ខែមេសា ឆ្នាំ២០២០នេះថា ក្នុងតួនាទីនិងភារកិច្ចរបស់លោកជានាយ​ការិយា​ល័យនេះ លោកប្តេជ្ញាដឹកនាំបំពេញភារកិច្ច ស្រ​បតាមជំនាញនិងច្បាប់ដែលបានកំណត់ ធ្វើយ៉ាងណាសំដៅកាត់បន្ថយឲ្យបានល្អប្រសើរនូវករណីគ្រោះថ្នាក់ចរាចរណ៍ផ្លូវគោកស្របតាមការអំពាវនាវរបស់ថ្នាក់ដឹកនាំអគ្គស្នងការដ្ឋាននគរ​បាលជាតិ និងក្រសួងមហាផ្ទៃ ក៏ដូចជារាជ​រដ្ឋាភិ​បាលនៃព្រះរាជាណាចក្រកម្ពុជាផងដែរ។

ការប្តេជ្ញាលើកឡើងបែបនេះដោយអនុវត្តតាមមតិណែនាំរបស់ឯកឧត្តម ឧត្តម​សេនីយ៍ទោ អ៊ុច សុខុន ស្នងការនៃស្នងការដ្ឋាននគរបាលខេត្តបាត់ដំបង ក៏ដូចជាមតិដឹកនាំរបស់លោកស្នងការរងទទួលផែននិង​លោកស្នងការរងទទួលដឹកនាំការិយាល័យជំ​នាញចរាចរណ៍ផ្លូវគោកខេត្ត ក្នុងការចុះឃាត់និងនាំយកនូវរថយន្តដែលធ្វើចរាចរណ៍លើដងផ្លូវក្នុងក្រុងបាត់ដំបង ដែលមានផ្ទុកនិងដឹកទំនិញសំពីងសំពោងខុសនឹងច្បាប់ស្តីពី​ចរា​ចរណ៍ផ្លូវគោកដែលមន្រ្តីនគរបាលកំពុងអនុវត្តរាល់ថ្ងៃ។

លោកប្រធានការិយាល័យដដែលបានបន្តថា គ្រប់រថយន្តកំហុសដែលបាននាំយកមកកាន់ការិយាល័យចរាចរណ៍ ម្ចាស់រថយន្តទាំងនោះត្រូវបានមន្រ្តីជំនាញធ្វើកំណត់ហេតុ​សាកសួរ និងបានធ្វើកិច្ចសន្យាឲ្យបញ្ឈប់សកម្ម
ភាពបែបនេះតទៅទៀត ហើយក្នុងករណីម្ចាស់រថយន្តនៅតែបន្តប្រព្រឹត្តិល្មើសច្បាប់នោះ និងត្រូវអនុវត្តស្របតាមច្បាប់ដោយមិនអនុគ្រោះឬលើកលែងឡើយ ក្រៅពីនេះក៏បានតម្រូវឲ្យធ្វើការផ្ទេរចេញនូវទំនិញដែលផ្ទុកសំពីងសំពោងនោះចេញពីរថយន្តមុននឹងធ្វើការផាកពិន័យស្រប​ទៅតាមបទបញ្ញាតិនៃច្បាប់ទើបអនុញ្ញាតឲ្យចាកចេញ។

លោកបន្តថា ជាមួយនឹងការរឹតបន្តឹងនូវយានយន្តដឹកសំពីងសំពោងនេះ នៅមានកត្តាល្មើសច្បាប់ចរាចរណ៍ជាច្រើនទៀតដែលកំពុងកើតមាន ហើយការប្តេជ្ញាចិត្តក្នុងការអនុវត្តនូវភារកិច្ចរបស់មន្រ្តីអនុវត្តច្បាប់នេះ ចាំបាច់ត្រូវមានការចូលរួមពីបងប្អូនប្រជាពលរដ្ឋ ពិសេសអ្នកប្រើប្រាស់យានទាំងអស់ សូមបញ្ឈប់នូវករណីដឹកសំពីងសំពោងបន្តទៅទៀតព្រោះថានៅតែប៉ុន្មានថ្ងៃទៀតតែប៉ុណ្ណោះការអនុវត្តនូវខ្លឹមសារអនុក្រិត្យថ្មីរបស់រាជរដ្ឋាភិបាលស្តីពីការអនុវត្តវិធានការផាក​ពិន័យអន្តរការណ៍ចំពោះបទល្មើសចរាចរ​ណ៍​ផ្លូវ​គោកដែលនឹងត្រូវចាប់ផ្តើមអនុវត្តហើយ ពេលនោះការផាកពិន័យចំពោះអំពើល្មើសច្បាប់នឹងមានចំនួនទឹកប្រាក់ច្រើនដូច្នេះសូមចូលរួមគោរព​ច្បាប់ចរាចរណ៍ទាំងអស់គ្នាដើម្បីអាយុជីវិតបង​ប្អូននិងដើម្បីសង្គមជាតិយើងទាំងមូលពិសេស​កុំឲ្យអស់ប្រាក់ដោយករណីផាកពិន័យនេះផងដែរ។

គួរបញ្ជាក់ថា នៅក្នុងខែមេសា ឆ្នាំ២០២០នេះ ក្រុមត្រួតពិនិត្យយានយន្តខុសលក្ខណៈបច្ចេកទេសរបស់មន្ត្រីការិយាល័យជំនាញ ចុះអនុវត្តត្រួតពិនិត្យបានចំនួន២០លើកស្មើរថយន្តសរុបចំនួន ១៩១២គ្រឿង ក្នុងនោះរកឃើញត្រឹមត្រូវតាមច្បាប់ចំនួន ១,១១៨ គ្រឿង
-កាត់ទ្រុងជាក់ស្តែងចំនួន ០៣គ្រឿង -ដោះរានក្រោយរថយន្តដឹកអ្នកដំណើរធុនតូចចំនួន ០១គ្រឿង -យានយន្តគ្មានផ្លាកលេខចំនួន០៤ គ្រឿង -ផ្ទុកទំនិញខុសលក្ខណៈបច្ចេកទេសចំនួន ៩២គ្រឿង -ខ្វះឯកសាចំនួន ៥៤២ គ្រឿង -គ្មានប័ណ្ណបើកបរចំនួន ៦៨គ្រឿង -ប្រើប័ណ្ណបើកបរខុសប្រភេទចំនួន ១១៣គ្រឿង និងដោះភ្លើងខុសបច្ចេកទេស ចំនួន១៩គ្រឿង ។

ចំនួនអ្នកទស្សនា
ថ្ងៃនេះ​ 18065 នាក់
ម្សិលមិញ ​ 18381 នាក់
សប្តាហ៍នេះ​ 137827 នាក់
សរុបទាំងអស់​ 13000789 នាក់

មានតាំងពីកូនង៉ែតទៀតចូលលេងហ្គេមអនឡាញមួយកន្លែងនៅក្រោយស្ថានទូតបារាំងមិនទាន់ឃើញសមត្ថកិច្ចណាបង្ក្រាបសោះ

ពិធីបើកវគ្គបណ្តុះបណ្តាលស្តីពី ការពង្រឹងសមត្ថភាពការអនុវត្តការងារនៅថ្នាក់មន្ទីរប្រៃសណីយ៍ និងទូរគមនាគមន៍ខេត្ត ចំនួន៩

លោក ឧត្ដម សេនីយ៍ទោ អ៊ុក កុសល ស្នងការនគបាលខេត្តកំពង់ធំកំពុងក្លាយជាត្រីឆ្ដោ ស៊ីកូនឯងមិនរើសមុខ ពេលនេះនារីជាមន្រ្តីនគបាលនៃស្នងការដ្ឋាននាំគ្នា ដាក់ពាក្យ ប្ដឹង និងស្នើរសុំទៅដល់ សម្ដេច ក្រឡាហោម សខេង អោយជួយរកយុត្តិធម៌ជូនពួកគាត់

តើភូមិ ឃុំមានសុវត្តិភាពទាំង៩ចំណុចនៅឯណា? បើខេត្តត្បូងឃ្មុំសង្វៀនជល់មាន់និងអាប៉ោងពេញស្រុក

ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន បានស្នើដល់មន្រ្តីរាជរដ្ឋាភិបាល ទាំងអស់ឲ្យលុបបំបាត់ចោលនូវ ការលើកឡើងជាទស្សនៈថា ឲ្យតែអ្នកសរសេរអត្ថបទ ព័ត៌មានអាក្រក់ និងអវិជ្ជមាន គឺសុទ្ធតែពួកប្រឆាំងឲ្យសោះ ព្រោះជួនកាលគេនិយាយត្រូវដែរ