​​
​ពលរដ្ឋខ្មែរចូលលេងល្បែងស៊ីសង​ ជល់មាន់ អាប៉ោង យូគី នឹងហ្គេមបាញ់ត្រី រាប់ពាន់នាក់អាជ្ញាធរនៅខេត្តត្បូងឃ្មុំ ធ្វើមិនដឹង
ដោយ លោក អុិត សាផល - Tue,14 July 2020 (Time 06:54 AM)

​ខេត្តត្បូងឃ្មុំ​ ៖ ល្បែងស៊ីសង ជល់មាន់អាប៉ោង យូគី នៅក្នុងកាស៊ីណូមួយកន្លែងដែលស្ថិតក្នុងភូមិអន្លុងជ្រៃឃុំកក់ ស្រុកពញាក្រែក ខេត្តត្បូងឃ្មុំ​ បាននិងកំពុងបើកលេងល្បែងជល់មាន់អាប៉ោង យូគី មានលក្ខណៈទ្រង់ទ្រាយធំ សុទ្ទសឹងតែពលរដ្ឋខ្មែរទាំងអស់ ហើយអ្នកញៀនល្បែងនោះបានចូលលេងយ៉ាងច្រើនកុះករ ដោយមិនមានការភ័យខ្លាចចំពោះការឆ្លងរីករាលដាលនៃជំងឺកូវីត១៩សោះឡើយ។

មាន​ម៉ូតូ​ឡាន​រាប់រយ​គ្រឿង ហាក់​គ្មាន​ការ​ភ័យខ្លាច ពីការចុះបង្រ្កាបរបស់សមត្ថកិច្ចនោះឡើយ ។ល្បែងជល់មាន់ មានការភ្នាល់ចាប់ពី១០០០ ដូល្លារហូតដល់៥០០០ដូល្លា សម្រាប់ថ្ងៃ ពិសេសវិញគឺថ្ងៃសៅរ៍នឹងថ្ងៃអាទិត្យរីឯថ្ងៃខុសពីនឹងគឺដើមផាន់ចាប់ពី៥០ ម៉ឺន ១លាន ២លាន ថ្ងៃធម្មតា អាប៉ោងមានការចាក់រាប់លានពេញៗហាន់តោតែម្តង។ ចំណែកយូគី វិញ មានចាក់វាល់លានផងដែរសម្រាប់អ្នកញៀនល្បែងទាំងនោះ បើនិយាយពីសមត្ថកិច្ចមូលដ្ឋាន ស្រុក ខេត្ត វិញហាក់បីដូចជាមិនអើពើក្នុងការបង្ក្រាប​ឡើយ គេសង្ស័យថា មានខ្នងបង្អែកយ៉ាងរឹងមាំនៅខាងក្រោយទើបសមត្ថកិច្ចមិនហ៊ានក្អកនិងប៉ះពាល់បែបនេះ ។

បើនៅតែមានល្បែងស៊ីសងយូគីអាប៉ោង និង ជល់មាន់ នេះបន្តទៀត ពិតជា​មាន​ផលប៉ះពាល់​យ៉ាងធ្ងន់ធ្ងរ​ដល់​ប្រជាពលរដ្ឋ និង​ប៉ះពាល់​ដល់​សន្តិសុខសុ​វត្តិភាព សណ្តាប់ធ្នាប់​ភូមិ​ឃុំ​ ជាក់ជាពុំខានឡើយ។ សូម្បីតែប្រមុខរាជរដ្ឋាភិបាលតែងតែណែនាំរាល់ល្បែងសុីសងក្នុងកាស៊ីណូណាដែលមានពលរដ្ឋខ្មែរចូលលេងត្រូវចាត់វិធានការបិទល្បែងនោះជាបន្ទាន់ តែនៅឡើយល្បែងកាស៊ីណូនៅចំណុចដូចខាងលើនេះគ្មានឃើញសមត្ថកិច្ចក្នុងស្រុកនិងខេត្តណាមួយហ៊ានចុះមកណែនាំដល់ម្ចាស់កាសុីណូឡើយ ឫមួយខ្លាចបែកឆ្នាំងបាយជាប្រចាំខែតាមលំដាប់។ ណាមួយពិតជាចំឡែកផងកាសុីណូឯណាមានបើកតាំងពីរយូគី អាប៉ោង និងជល់មាន់ នោះគ្រាន់តែជាឡេះដើម្បីប្រមូលម្ដុំអ្នកញៀនល្បែងដែលជាពលរដ្ឋខ្មែរចូលទៅលេងគេចវេះពីការបង្រ្កាបរបស់សមត្ថកិច្ចតែប៉ុនណ្ណោះ។ ប្រជាពលរដ្ឋ​ មានការព្រួយបារម្ភយ៉ាងខ្លាំងចំពោះការបើកកាស៊ីណូ ខាងលើនេះហើយពួកគាត់បានសំណូមពរយ៉ាងទទូចទៅលោកអភិបាលខេត្តករណីនេះ គួរលោក ជាម ច័ន្ទសោភ័ណ្ឌ អភិបាលខេត្តត្បូងឃ្មុំ និងលោក ប៉ែន រត្ន័ ស្នងការ​នគរ​បាល​ខេត្ត​ និងលោកបញ្ជាការអាវុធហត្ថខេត្តពិនិត្យ និងចុះចាត់វិធានការចំពោះកាស៊ីណូខាងលើនេះផង ដើម្បីចូលរួមគាំទ្រនូវគោលនយោបាយភូមិឃុំមានសុវត្តិភាពទាំង៩ចំណុច របស់ ក្រសួងមហាផ្ទៃ និងបទបញ្ជារបស់សម្តេច ក្រឡាហោម ស ខេង​ និងអនុ​សាសន៍របស់ម្តេច តេ​ជោ ហ៊ុន សែន ប្រមុខ​រាជរដ្ឋាភិបាល​កម្ពុជា​៕

ចំនួនអ្នកទស្សនា
ថ្ងៃនេះ​ 19318 នាក់
ម្សិលមិញ ​ 21747 នាក់
សប្តាហ៍នេះ​ 140122 នាក់
សរុបទាំងអស់​ 20025582 នាក់

#ជម្លោះដីធ្លីដ៏រ៉ាំរ៉ៃរវាងឈ្មួញដីឈ្មោះ លី អ៊ុំអេង ជាមួយនឹងសហគមន៍ដីធ្លី ប្រជាពលរដ្ឋរាប់សិបគ្រួសារ ស្ថិតនៅឃុំរំចេក និងឃុំខ្នារសណ្តាយ ស្រុកបន្ទាយស្រី#

ល្បី! លោក គឹម វុទ្ធី ហៅ ធី កាប៉ូ ទោះជាមានដីកាឆែកឆេរក្នុងផ្ទះ រកឃើញឈើប្រណិតជាច្រើនដុំ ក៏មេឈ្មួញខាងបផ្លាញឈើរូបនេះ នៅតែបន្តដឹកបានយ៉ាងរលូន

ឯកឧត្តម ហ៊ុន ម៉ានី អញ្ជើញជាអធិបតីកាត់ខ្សែបូរសម្ពោធអគារទីស្នាក់ការថ្មីរបស់ ស.ស.យ.ក. ខេត្តបាត់ដំបង

ពន្ធដារ​ចាប់ផ្ដើម​រឹត​បន្តឹង​លើ​គ្រប់​រថយន្ត​ពាក់​ស្លាក​លេខ (ខ​.​ម)ដើមឆ្នាំ២០២១នេះតទៅ

អាវុធហត្ថរាជធានីភ្នំពេញ បញ្ជូនសង្ស័យ០៩នាក់ ទៅតុលាការ ពាក់ព័ន្ធករណីគ្រឿងញៀន ក្រោយពីបង្ក្រាបបានជាបន្តបន្ទាប់ ចំនួន៥ករណីផ្សេងគ្នា