​​
​ឯកឧត្តម ស រដ្ឋា នាំយកអំណោយសម្ដេចក្រឡាហោម ស ខេង ចែកជូនពលរដ្ឋក្រីក្រចំនួន៥០គ្រួសារ នៅស្រុកភ្នំព្រឹកខេត្តបាត់ដំបង
ដោយ លោក ចាន់ រឿក - Sun,27 September 2020 (Time 06:08 AM)

បាត់ដំបង៖នៅរសៀល ថ្ងៃទី២៦ ខែកញ្ញា ឆ្នាំ២០២០ ឯកឧត្តម ស រដ្ឋា ប្រធាន ស.ស.យ.ក ខេត្ដបាត់ដំបង អមដំណើរដោយលោក យី សុងគី ប្រធានមន្ទីរអប់រំខេត្តបាត់ដំបង និងជាអនុប្រធាន ស.ស.យ.ក ប្រចាំការបានយកអំណោយរបស់សម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ ជូនដល់គ្រួសារក្រីក្រដែលរងផលប៉ះពាល់ដោយសារជំងឺកូវីដ-១៩ ចំនួន៥០គ្រួសារ ដោយមួយគ្រួសារទទួលបាន អង្ករចំនួន ១ការ៉ុង ទម្ងន់ ៥០គីឡូក្រាម អំបិលចំនួន១គីឡូក្រាម ស្ករស ១គីឡូក្រាម និងទឹកត្រី ១ដប ថវិកា៥០០០០រៀលផងដែរ។

ក្នុងអង្គពិធីនេះមានការចូលរួមលោក ខៀវ ហ៊ាន ប្រធានក្រុមប្រឹក្សា ស.ស.យ.ក ចុះជួយស្រុកភ្នំព្រឹក និងសមាជិកក្រុមប្រឹក្សា លោក សុង សុភ័ក្រ្ត អភិបាលនៃគណៈអភិបាលស្រុកភ្នំព្រឹក និងជាប្រធានកិត្តិយស ស.ស.យ.ក ស្រុក លោក ទូច សុគន្ធ តំណាងលោក គង់ បៃ ប្រធានក្រុមប្រឹក្សាស្រុកភ្នំព្រឹក លោកអភិបាលរងស្រុក កងកម្លាំងទាំងបីប្រភេទ លោកស្រី មួន គីរី ប្រធាន ស.ស.យ.ក ស្រុកភ្នំព្រឹក រួមនិងសមាជិក សមាជិកា ស.ស.យ.ក ចំនួន៣០០នាក់ ។

ថ្លែងក្នុងឱកាសនោះ ឯកឧត្តម ស រដ្ឋា ក៏បាន ផ្ដាំផ្ញើនូវការសាកសួរសុខទុក្ខពីសំណាក់ថ្នាក់ដឹកនាំទាំងអស់ ជូនប្រជាពលរដ្ឋ និងក្រើនរំលឹកប្រជាពលរដ្ឋត្រូវខិតខំប្រកបរបរទទួលទានប្រចាំថ្ងៃ ដើម្បីជួយដល់ជីវភាពគ្រួសារឡើងវិញ ខណៈរាជរដ្ឋាភិបាលបាននិងកំពុងត្រៀម និងជួយសង្គ្រោះប្រជាពលរដ្ឋជានិច្ច មិនបណ្ដោយឲ្យប្រជាពលរដ្ឋណាម្នាក់លំបាកនោះទេ។ ឯកឧត្តម ស រដ្ឋា ក៏បានផ្ដាំផ្ញើឲ្យប្រជាពលរដ្ឋក្រៅពីការប្រកបរបរផ្សេងៗហើយនោះ ត្រូវបន្ដខិតខំថែរក្សាសុខភាព ធ្វើអនាម័យជាប្រចាំ ដើម្បីមានសុខភាពល្អ និងជៀសផុតពីជំងឺកូវីដ-១៩៕

បន្ទាប់ពីឯកឧត្តម ស រដ្ឋា មានមតិផ្ដាំផ្ញើដល់ប្រជាពលរដ្ឋ ឯកឧត្តម និងភ្ញៀវកិត្តិយសទាំងអស់ ក៏បានបន្តធ្វើកម្មវិធី ក្រុងពាលី រៀបចំបើកការដ្ឋានសាងសង់អាគារ ទីស្នាក់ការ ស.ស.យ.ក ស្រុកភ្នំព្រឹក ដែលជាអំណោយរបស់លោកផ្ទាល់ ក្នុងបរិវេណ សាលាស្រុក។ ឯកឧត្តម និងគណៈប្រតិភូអមដំណើរក៏បានបន្តដំណើរ ទៅទស្សនៈកិច្ច និងសួរសុខទុក្ខលោកគ្រូ អ្នកគ្រូ នៅក្នុងសាលាវិទ្យាល័យ ពេជ្រចិត្តា ស្ថិតក្នុងទីរួមស្រុកភ្នំព្រឹក។

ចំនួនអ្នកទស្សនា
ថ្ងៃនេះ​ 21537 នាក់
ម្សិលមិញ ​ 21504 នាក់
សប្តាហ៍នេះ​ 137854 នាក់
សរុបទាំងអស់​ 17972188 នាក់

ល្បី! លោក គឹម វុទ្ធី ហៅ ធី កាប៉ូ ទោះជាមានដីកាឆែកឆេរក្នុងផ្ទះ រកឃើញឈើប្រណិតជាច្រើនដុំ ក៏មេឈ្មួញខាងបផ្លាញឈើរូបនេះ នៅតែបន្តដឹកបានយ៉ាងរលូន

ឯកឧត្តម ហ៊ុន ម៉ានី អញ្ជើញជាអធិបតីកាត់ខ្សែបូរសម្ពោធអគារទីស្នាក់ការថ្មីរបស់ ស.ស.យ.ក. ខេត្តបាត់ដំបង

ពន្ធដារ​ចាប់ផ្ដើម​រឹត​បន្តឹង​លើ​គ្រប់​រថយន្ត​ពាក់​ស្លាក​លេខ (ខ​.​ម)ដើមឆ្នាំ២០២១នេះតទៅ

អាវុធហត្ថរាជធានីភ្នំពេញ បញ្ជូនសង្ស័យ០៩នាក់ ទៅតុលាការ ពាក់ព័ន្ធករណីគ្រឿងញៀន ក្រោយពីបង្ក្រាបបានជាបន្តបន្ទាប់ ចំនួន៥ករណីផ្សេងគ្នា

បញ្ជីរាយឈ្មោះសប្បុរសជន បរិច្ចាគថវិកា ជូនសម្តេចតេជោ ហ៊ុន សែន ត្រៀមថវិកាទិញវ៉ាក់សាំងប្រឆាំងកូវីដ១៩ ចាក់ជូនពលរដ្ឋឥតគិតថ្លៃ